Циркулярное письмо в связи с эпидемией коронавируса

БЛАГОЧИННЫМ, настоятелям приходов, И.О. Наместника свято-Троицкого монастыря, игумениям монастырей, УПРАВЛЯЮЩИМ ПОДВОРЬЯМИ, священнослужителям БЛАГОВЕЩЕНСКОЙ ЕПАРХИИ РУССКОЙ ПРАВОСЛАВНОЙ ЦЕРКВИ (МОСКОВСКИЙ  ПАТРИАРХАТ)

ЦИРКУЛЯР

В связи со сложной эпидемиологической ситуацией, вызванной вирусом 2019-nCoV, активно распространяющимся в Китае, с которым граничит Приамурье. По причине серьёзного риска для амурчан, живущих на приграничной территории.

БЛАГОСЛОВЛЯЕТСЯ за каждой Божественной литургией возносить ектению и молитву «во время губительного поветрия и смертоносной заразы» до стабилизации ситуации.

Ектения:

О еже не помянути беззаконий и соблазнов нас грешных и недостойных рабов Своих, но милостивно очистити грехи наша, и отвратити гнев Свой, праведно движимый на нас, Господу помолимся. 

О еже не яростию Своею обличити, ни гневом наказати нас, но милостивно пощадити от смерти души наша, Господу помолимся.

О еже не внити в суд с рабами Своими, и не помянути беззакония наша, но очистити их, и милостиву быти, и пощадити людей согрешивших, Господу помолимся. 

О еже помянути щедроты и милости Своя, от века сущия, грехов же юности и неведения нашего и старости окаянства не помянути, и помиловати нас, Господу помолимся.

О еже услышати от храма Святаго Своего глас наш, и исцелити болезни смертныя одержащия нас, и потоки беззакония смутившия нас изсушити, Господу помолимся. 

О еже вскоре изъяти нас от сетей смертных и от болезней избавити, Господу помолимся. 

О еже милостивно продолжити рабам Своим покаяния время, и не безгодно яко неплодную смоковницу посещи, но благосердием окопати, и милосердия росою напоити, плодов покаяния и обращения нашего человеколюбно еще ожидая, Господу помолимся. 

О еже вознести нас от врат смертных, и меч изъятый, и лук Свой напряженный, и в нем сосуды смертныя на нас праведно уготованныя со стрелами горящими, милостивно от нас отвратити, Господу помолимся. 

О еже услышати молитву нашу, и моление наше прияти, и слез наших не премолчати: но ослабити нам, да почием прежде даже не отыдем, и ктому не будем, Господу помолимся.

О избавитися нам:.. и проч. 

Молитва

Господи Боже наш, призри с высоты святыя Твоея на молитву нас грешных и недостойных рабов Твоих, беззаконьми нашими Твою благость прогневавших, и милосердие Твое раздраживших, и не вниди в суд с рабами Твоими, но отврати страшный гнев Твой праведно на нас движимый, утоли губительное прещение, устави грозный Твой меч, невидимо безвременно секущий нас, и пощади нищих и убогих рабов Твоих, и не затвори в смерти души наша, в покаянии сокрушенным сердцем и со слезами к Тебе, Милосердому, Благоуветливому, и Благопременительному Богу нашему припадающих.

Твое бо есть еже миловати и спасати нас, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. 
Аминь. 

Архиепископ Благовещенский и Тындинский.